பெருமுழுநிலவு என்னும் சுப்பர் மூன்

சுப்பர் நிலவு என்றால் என்ன? பூமி சூரியனைச் சுற்றிவரும் பாதையைப் போலவே பூமியைச் சுற்றிவரும் நிலவின் பாதையும் நீள்வட்டமானதே. இப்படியாக பூமியை நீள்வட்டப் பாதையில் சுற்றி வரும் போது, பூமிக்கு மிக அருகில் வரும் ஒரு சந்தர்ப்பமும், அதேபோல பூமியில் இருந்து தொலைவிற்கு செல்லக்கூடிய சந்தப்பமும் நிலவுக்கு ஏற்படும். பூமிக்கு மிக அருகில் வரும் போது வழமைக்கு மாறாக நிலவின் அளவு பெரிதாகவும் அதன் காரணமாக பிரகாசமாகவும் இருக்கும். இதுவே சுப்பர் நிலவு / பெருமுழுநிலவு (Supermoon) என அழைக்கப்படுகிறது. அதேபோல பூமியை விட்டு தொலைவில் இருக்கும் போது வழமைக்கு மாறாக சிறிதாக இருக்கும் நிலவு மைக்ரோ நிலவு எனப்படுகிறது.

நிலவிற்கு மனிதர்களை அனுப்பத் தயாராகும் ரஷ்யா

2030 இற்கு முதல் விண்வெளி வீரர்களை நிலவிற்கு அனுப்ப ரஷ்யா திட்டமிட்டுள்ளது. இதற்கு ஆதரவளிப்பது மட்டுமல்லாது அந்தத் திட்டத்தில் ஐரோப்பிய விண்வெளிக் கழகமும் பங்குபெறும்.

1960 களில் அமெரிக்கா மற்றும் சோவியத் யூனியனிற்கு இடையில் space race எனப்படும் தொழில்நுட்ப போட்டிகாணப்பட்டது. ரஸ்சியாவின் முதலாவது செய்மதி ஸ்புட்னிக் தொடக்கம் நிலவில் காலடி பதித்த அமெரிக்க அப்பலோ வரை இந்த தொழில்நுட்ப போட்டி ஒரு கட்டத்தில் முடிவுக்கு வந்தது. ஆனால் தற்போது மீண்டும் அது மெல்லிதாகதுளிர்விடுகிறது என்று சொல்லலாம்.